Атырауда бір отбасының өліміне күдіктіге өмір бойы бас бостандығынан айыру жазасы тағайындалуы мүмкін – адвокаттар

Енді оған «екі немесе одан да көп адамды өлтіру» бабымен қатар, «бірнеше рет жасалған адам өлтіру» бабы да тағылып отыр.

Бұл туралы адвокаттары хабарлады.

Айыптар: адам өлтіру, ұрлық және алаяқтық

Атырау облыстық полиция департаментінің мәліметінше, Сәрсемәлиевке қатысты айыптар тізімі енді мыналарды қамтиды:

ҚР ҚК 99-бабы 2-бөлігі 1-тармақ – «екі немесе одан да көп адамды өлтіру»;

ҚР ҚК 99-бабы 2-бөлігі 13-тармақ – «бірнеше рет жасалған адам өлтіру».

Сонымен қатар:

188-бап 2-бөлігі – «алдын ала сөз байласу; арқылы топпен жасалған ұрлық»;

190-бап – «алаяқтық».

Прокуратура мәліметінше, бұл эпизодтар марқұмдардың жеке заттарын ұрлау және олардың малын заңсыз сату фактілеріне байланысты.

Құқықтық айырмашылық неде?

Адвокат Абзал Қасымжанов екі түрлі квалификацияның айырмашылығын түсіндірді:

«Екі немесе одан да көп адамды өлтіру» – бір оқиға барысында бірнеше адамды өлтіру;

«Бірнеше рет жасалған адам өлтіру» – әртүрлі уақытта және әртүрлі жағдайда адам өлтіру.

ҚР Қылмыстық кодексіне сәйкес, бұл баптар бойынша жаза:

➡️ 15 жылдан 20 жылға дейін бас бостандығынан айыру;

немесе

➡️ өмір бойы бас бостандығынан айыру.

 

Адвокаттың пікірінше, істің резонансты болуын және күдіктінің шетелге қашуға әрекеттенгенін ескерсек, сот ең қатаң жаза тағайындауы мүмкін.

Жазаны анықтау қалай жүреді?

Адвокат Самат Әбуевтің айтуынша, бірнеше қылмыс болған жағдайда жаза «қылмыстар жиынтығы» бойынша анықталады.

Егер қылмыс ерекше қатыгездікпен жасалғаны дәлелденсе, сот өмір бойы бас бостандығынан айыру жазасын тағайындауы ықтимал.

Атырау облысында Жангелдин ауылында тұратын бір отбасының қазасы  тергеліп жатыр.

2025 жылдың желтоқсан айының соңында туыстары төрт адамның жоғалғанын хабарлаған:

66 жастағы Мақсот Қарабалин;

64 жастағы Нәсіп Өтешқалиева;

35 жастағы Мирамгүл Қарабалина;

32 жастағы Наурыз Мұқанғалиев.

Кейін:

6 қаңтарда зейнеткер ерлі-зайыптылардың мәйіттері өз үйлерінің ауласындағы қорадан табылды.

9 наурызда тағы екі адамның денесі Атырау маңындағы Геолог шағынауданынан табылды

Күдіктілер және қашу әрекеті

Негізгі күдікті ретінде отбасының күйеу баласы – 29 жастағы Сұлтан Сарсемалиев танылды. Ол отбасының кіші қызы Ақбаян Мұқанғалиевамен бірге елден кеткен.

Кейін олар:

Индонезия еліндегі Сенару ауылында ұсталды. Қазақстанға экстрадицияланды

Тергеу барысында Сәрсемәлиев екі адамды өлтіргенін мойындап, олардың жерленген орнын көрсеткен.

Ақбаян Мұқанғалиеваға қатысты жағдай

Екінші күдікті – Ақбаян Мұқанғалиева – сот шешімімен психологиялық-психиатриялық сараптамаға жіберілді.

Қазіргі уақытта:

оның әрекеттеріне нақты құқықтық баға берілген жоқ, оған қатысты бұлтартпау шарасы таңдалмаған

Прокуратура барлық сараптамалар аяқталғаннан кейін ғана іс бойынша түпкілікті шешім қабылданатынын мәлімдеді.