«Атыраулық хакер» атанып кеткен азаматқа халықаралық іздеу жарияланды

 Құқық қорғау органдарының мәліметінше, іздеу алаяқтыққа қатысты айыптауларға байланысты жүргізіліп отыр және бұл іс Атырау облысында жоғалған отбасы туралы іспен байланысты емес.

Алдын ала деректерге сәйкес, күдікті шетелде жасырынып жүрген болуы мүмкін.

Еске салайық, «атыраулық хакер» әлеуметтік желілерде Атырау облысында бір отбасының жоғалуына қатысты жүргізген «зерттеуімен» танымал болған еді. Алайда сол кезде полиция оның айтқан деректерінің барлығы әлеуметтік желілерде жарияланбай тұрып-ақ, ішкі істер органдарының жедел-іздестіру және тергеу шаралары аясында анықталғанын хабарлаған.

Құқық қорғау органдарының түсіндіруінше, аталған мәліметтер кейін ресми түрде бағдарлау  ретінде рәсімделген.

Тергеу амалдары жалғасып жатыр.