Атырауда екі көлік соғылып, жеті адам көз жұмды

Атырау облыстық полиция департаменті хабарлағандай, Доссор — Құлсары — Бейнеу тас жолының 82-шақырымында Chevrolet Cobalt пен Toyota Ipsum бетпе-бет соғылған. «Кобаль» жүргізушісі мен төрт жолаушысы және «Ипсум» жүргізушісі мен жолаушысы оқиға орнында қаза тапты. Тағы екі жолаушы Жылыой ауданы ауруханасына жеткізілді.

Оқиға орнынан түсірілген суретке қарағанда, бір жүргізуші «Басып өтуге болмайды» жол белгісін елемей, қарсы жолаққа шыққан сияқты.

Департамент өкілдері қаза тапқан екі жүргізуші бұған дейін жылдамдық асырғаны үшін бірнеше рет жазаға тартылғанын хабарлады.

Полиция жол апатының мән-жайын анықтап жатыр.