Ауған үкіметі Талибанның жүзден астам мүшесін түрмеден босатты

12.04.2020, 21:52

16

Ауған үкіметі Талибан радикалды қозғалысының жүзден астам мүшесін түрмеден босатты. Бұл туралы Ауғанстанның ұлттық қауіпсіздік кеңесі (NSC) 12 сәуірде хабарлады.

Ұлттық қауіпсіздік кеңесі Twitter-де 11 сәуірде бостандыққа шыққан бірнеше тұтқынның суретін жариялады. Кеңес өкілдерінің айтуынша, босатылатын тұтқындардың тізімін жасаған кезде тұтқындардың жасы, денсаулық жағдайы мен жаза мерзімінің ұзақтығы ескерілген.

Ауған үкіметі 8 сәуірден бастап Талибанның 300 мүшесін босатқан.

Ал Талибанның ресми өкілі 20 тұтқынды босатып, Кандагардағы Қызыл Крест ұйымына тапсыратынын айтып отыр.

«Бүгін Кабул әкімшілігінің 20 тұтқыны босатылады» деді 12 сәуірде Талибанның ресми өкілі Сухаил Шахин. Бірақ ол бұдан басқа ақпарат айтпаған.

Ақпан айының соңында АҚШ пен Талибан радикалды қозғалысы тарихи келісімге қол қойған еді. Бұл келісім жүзеге асса, Ауғанстаннан шетел әскері әкетілуі мүмкін, елде 18 жылға созылған қақтығысқа нүкте қойылуы мүмкін. Бейбіт келіссөз қарсаңында тараптар арасында сенім қалыптастыру мақсатында ауған үкіметі мен Талибан тұтқындарды босату бойынша келіссөз жүргізген. Оған сәйкес, ауған үкіметі Талибанның шамамен бес мың мүшесін босатады.

Ал Талибан ауған үкіметінің шамамен мың сарбазы мен азаматын босатуға уәде берген.

Егер Талибан келісімде жазылған міндеттерді орындаса, АҚШ пен НАТО 14 ай ішінде Ауғанстаннан әскерін алып кетеді.

/*Telegram*/ #gr-961-tel { outline:1px solid #DEE1E2; height: 73px; padding: 0px 10px; margin-bottom: 15px; float: none; } #gr-961-tel img { width:130px; } #gr-961-tel:hover { outline:2px solid #61a8de; text-decoration: none; } #gr-961-tel .text { margin-right: 20px; text-align: center; } #gr-961-tel span { color: #61a8de; } #gr-961-tel p { font-size: 21px; margin:0; color: #7C858D; line-height: 1.2; }

Telegram бізге жазылыңыз

Тегтер:

ҰҚСАС ЖАҢАЛЫҚТАР

Аңдатпа


  • Жарты мүшелі жан жұртқа жігер беріп отыр (видео)
    10:22
  • Ар сатылды, кен шашылды
    09:55
  • Ұлттық банк теңгенің әлсіреуіне қатысты түсінік берді
    28.09.2020, 15:45
  • «Shymkent bike» қызметін пайдаланушылар көбейді
    26.09.2020, 15:01
  • Үш мыңға жуық медицина қызметкеріне біржолғы төлем берілді
    28.09.2020, 11:16