Жобалар
Редакциямен байланыс
Жарнама
Кеше, 13:20

Axios: Нетаньяху Газа секторын, тарифтерді талқылау үшін АҚШ-қа барады

Биньямин Нетаньяху и Дональд Трамп
Фото: Evan Vucci/AP/picture alliance. Биньямин Нетаньяху и Дональд Трамп. Фото:

 Беньямин Нетаньяхудың Вашингтонға сапары 7 сәуірде болуы мүмкін, деп хабарлайды Axios ақпарат көздеріне сілтеме жасап.

Израиль премьер-министрі Биньямин Нетаньяху АҚШ президенті Дональд Трамппен Ақ үйде жеке кездесіп, тарифтерді алып тастау туралы келіссөздер жүргізуді жоспарлап отыр. Бұл туралы америкалық Axios жаңалықтар порталы сенбі, 5 сәуірде жағдаймен таныс төрт дереккөзге сілтеме жасап хабарлады.

Басылымның хабарлауынша, Нетаньяхудың Вашингтонға сапары дүйсенбі, сәуірдің 7-сінде болуы мүмкін. Екі ел басшысы Израиль импортына АҚШ-тың баж салығынан бөлек, Газадағы жағдай мен АҚШ-Иран ядролық келісімін де талқылайды деп жоспарланған.

Израиль премьер-министрінің АҚШ-қа келетінін бір күн бұрын Дональд Трамптың өзі растады.