Айға жаңа қадам: NASA-ның «Артемида-2» миссиясы басталды

Кеме Флорида штатындағы Кеннеди ғарыш орталығы-ның 39А ұшыру алаңынан ұшырылды.

Ұшырылым:

• АҚШ-тың шығыс жағалауы уақытымен – 18:35-те;

• Еуропа уақытымен – 2 сәуір 00:35-те жүзеге асты.

Ұшырылым үшін әлемдегі ең қуатты зымырандардың бірі – Space Launch System (SLS) пайдаланылды. Ол 2,65 млн литр криогенді отынмен толтырылған.

Экипаж құрамы

«Орион» кемесінде төрт астронавт бар:

• Рид Уайзман;

• Джереми Хансен;

• Кристина Кох;

• Виктор Гловер.

Виктор Гловер – Ай миссиясына қатысқан алғашқы афроамерикалық астронавт, ал Кристина Кох – мұндай миссияға қатысқан алғашқы әйелдердің бірі.

Бастапқыда миссия 2026 жылдың наурызына жоспарланған. Алайда SLS зымыранында гелий беру жүйесіне қатысты ақаулар анықталып, ұшу кейінге шегерілген.

Ай бағдарламасының келесі кезеңі

Бұл – АҚШ-тың жаңа Ай бағдарламасындағы екінші кезең.

• «Артемида-1» миссиясы 2022 жылы экипажсыз сынақ ретінде өтті;

• «Артемида-3» миссиясы аясында 50 жылдан кейін адамдар қайтадан Айға қонуы жоспарланып отыр.

«Артемида» бағдарламасы 2019 жылы жарияланған. Оның мақсаты:

• адамды Айға қайта жеткізу;

• тұрақты пилотты миссияларды дамыту;

• Марсқа ұшуға дайындық базасын құру.