Әзербайжан ресейлік депутат Николай Валуевқа елге кіруге тыйым салды

«Николай Валуевтің Әзербайжан мен оның халқын қорлайтын және қорқытқан мәлімдемесін  қабылдамайды». «Сондықтан оның есімі Әзербайжан Республикасына кіруге тыйым салынған адамдардың тізіміне енгізілді», - дейді Айхан Хажизада.

 Николай Валуев «қара тізімге енген бірінші ресейлік депутат емес. Бұған дейін Константин Затулин мен Виталий Милоновқа да Әзербайжанға кіруге тыйым салынған болатын.

 «Біздің елге қарсы шыққан бұл депутаттардың барлығы биліктегі «Единая Россия» партиясының мүшелері екенін өкінішпен атап өткен жөн», - дейді Айхан Хажизада.

6 ақпанда Валуев өзінің Telegram-арнасында Бакудегі "Орыс үйін" (орыс мәдени орталығы) басқаратын "Россотрудничество" Әзербайжан үкіметінен өз қызметін тоқтату туралы ресми хабарлама алды деген жаңалыққа жауап берді.

 Ол Ресейдегі әзербайжан диаспораларының қызметіне күмән келтіріп, олардың қызметі қаржылық мүдделерге байланысты екенін айтып, оларды мұқият тексеруге шақырған.

Қаңтар айының соңында BakuTV телеарнасы ресейлік арнайы қызмет Бакудегі «Орыс үйінің» атын жамылып жұмыс істеп жатқанын хабарлады. Жергілікті шенеуніктердің айтуынша, 1997 жылы құрылған орталық заңды тұлға ретінде тіркелмеген. Ақпан айының басында "Россотрудничество" федералды агенттігі Әзербайжан үкіметінен шетелде орыс мәдениетін насихаттайтын Бакудегі "Орыс үйінің" қызметі тоқтатылғаны туралы ресми хабарлама алған. Осыдан кейін Әз"рбайжан елшісі Рахмон Мұстафаев Ресей Сыртқы істер министрлігіне шақырылып, наразылық білдірілді. "Россотрудничество" басшысы Евгений Примаков өзінің іскерлік беделін қорғау үшін сотқа шағым дайындап жатқанын мәлімдеді.