Әзербайжанда "Россия сегодня" мен BBC-дің кеңселері жабылды

"Россия сегодня" медиа тобына кіретін ресейлік Sputnik агенттігінің Әзербайжандағы өкілдігі жабылды. Бұл туралы Әзербайжан Сыртқы істер министрлігінің баспасөз хатшысы Айхан Хаджизада мәлімдеді. Оның айтуынша, ресми Баку Әзербайжандағы ресейлік медиа тобының бір ғана тілшісіне аккредитация беруге дайын.

Хаджизада британдық медиа-компания BBC-дің Әзербайжандағы кеңсесінің жабылуы туралы да айтты. "Россия сегодня" газетіндегідей ел билігі тек бір тілшіні аккредиттеуге дайын. 20 ақпанда BBC-дің Әзербайжандағы қызметі тоқтатылғаны белгілі болды.

Бұған қоса, Әзірбайжан Сыртқы істер министрлігінің өкілі "Америка дауысы" радиостанциясы тілшісінің аккредитациясының күшін жойғанын хабарлады. Ол бұл шешімнің себептерін ашқан жоқ.

Бакудегі "Орыс үйінің" жабылуы

6 ақпанда Ресей мәдениетін шетелде насихаттайтын "Россотрудничество" федералды агенттігі Әзербайжан үкіметінен ел астанасындағы "Орыс үйі" орыс мәдени орталығының жұмысын тоқтатқаны туралы ресми хабарлама алды.

Осыған ұқсас шешім АҚШ-тың халықаралық даму жөніндегі агенттігіне (USAID) қатысты да қабылданды.