Азия елдері қаламгерлерінің форумына бюджеттен 281 млн теңге бөлінген

05.09.2019, 01:00

4

Нұр-Сұлтанда өтіп жатқан Азия елдері қаламгерлерінің алғашқы форумына Қазақстан бюджетінен 281 миллион 35 мың теңге (726 мың доллар) бөлінген. Бұл туралы мемлекеттік сатып алу сайтында көрсетілген. Тапсырыс беруші — Мәдениет және спорт министрлігіне қарайтын Ұлттық кітап палатасы. Конкурсқа Қазақстан жазушылар одағы ғана қатысқан.

Қазақстан жазушылар одағының өкілі Ақберен Елгезек Азаттыққа 4-6 қыркүйек арасында өтетін форумға 281 миллион теңгенің бөлінгенін растады.

«Ешкім жасырып отырған жоқ. Мемлекеттік сатып алу бойынша ұтып алдық. Бұл форум — имидж шарасы емес. Азия елдерінен атақтары бар жазушылар келді. Қазақстаннан 200-ден астам ақын-жазушы шақырдық. Қазақстан әдебиетін әлемге таныту үшін ұйымдастырып жатырмыз. Ақша бөлінген соң қатысамыз. Әдебиетке салынған ақша қайтады» деді ол.

Қазақстан жазушылар одағының мәлімдеуінше, форумға Азияның 35 елінен 80-ге жуық жазушы қатысып жатыр. Олардың арасында Нобель сыйлығының номинанттары, Букер және ASEAN сыйлықтарының лауреаттары бар.

Жиынның ашылуына Қазақстан президенті Қасым-Жомарт Тоқаев келді. Форум кезінде Қазақстан қаламгерлер жиынын үш жылда бір рет Азия елдерінің бірінде өткізіп тұруды, әдебиет бойынша Нобель сыйлығының құрлықтық баламасын тағайындау ұсынбақ.

Тегтер:

ҰҚСАС ЖАҢАЛЫҚТАР

Аңдатпа


  • Бір тәулікте қанша адам коронавирус жұқтырғаны анықталды
    23.09.2020, 09:43
  • Nur Otan еліміздің солтүстік облыстарына қатысты қандай уәде береді?
    22.09.2020, 09:50
  • Конгресс-Холл экс-директоры миллиардтаған ақша жымқырған ба?
    21.09.2020, 15:07
  • 100 жастағы әжей пневмониядан жазылып шықты
    20.09.2020, 14:39
  • Көлік кептелісінен құтылар күн бар ма?
    18.09.2020, 14:27