Байқоңырлық педофил қалған өмірін түрмеде өткізеді

Бұрын ауыр қылмысы үшін сотты болған күдікті көршісінің алты жасар баласын доп беремін деп алдап, пәтерінде онымен жыныстық қатынас жасаған. Баланың қарсылығына қарамастан, айқайласаң «өлтіремін» деп қорқытып, зорлаған ол сот талқылауында кінәсіз екенін, тағылған айыптауды мойындамаған.

Дегенмен, тергеп-тексеру кезінде тағайындалған сот сараптамалары оның зорлағаның анықтаған. Сондай-ақ, жәбірленуші мен куәлардың жауаптары соттың үкімінде негізге алынған.

Прокурор сотталушыға 20 жыл бас бостандығынан айыру жазасын тағайындауды, ал қорғаушы сотталушының кінәсін дәлелдейтін айғақтардың болмауына байланысты толықтай ақтауды сұраған.

Сот отырысында алқабилер алқасы сотталушының қылмыстық әрекеттер жасағаны үшін кінәлі деп таныды. Оны сот үкімімен ҚК-тің 120-бабының 4-бөлігімен кінәлі деп танылып, өмір бойы бас бостандығынан айыру жазасы тағайындалды.

Сот үкімі заңды күшіне енген жоқ.