Бақсы жақтастары ФСБ қоқан-лоққысынан кейін "Кремльге жорықты" тоқтатқанын хабарлады

25.09.2019, 17:00

14

Саха бақсысы Александр Габышев ұсталғаннан кейін оның «Кремльге жорығын» жалғастырмақ болған жақтастары 25 қыркүйекте отрядты таратып, сапарды аяқтауға мәжбүр болғанын хабарлады. Бұл ақпаратты Сибирь.Реалии сайтына отряд мүшелерінің бірі Виктор Егоров айтты.

Оның айтуынша, 24 қыркүйекте кешке бақсы жақтастарының лагеріне штаттық киім киген бір топ адам келіп, бірнеше адамды полиция бөлімшесіне алып кеткен. Ол жақта «егер отряд таратылмаса, оларға терроризм бойынша айып тағылатынын» ескерткен. Бұған қоса, лагерьді штурммен басып алатынын жеткізген.

Ақырында бақсы жақтастары топты таратып, жорықты тоқтату туралы шешім қабылдаған. Алайда Егоровтың айтуынша, ресми орындар отрядты Габышевтің өзі таратты деп хабарлаған.

Ақпарат бойынша, 24 қыркүйекте полиция «жол ережесін бұзды» деген айыппен отрядтың алты мүшесін ұстаған. Оның алдында полиция «төбелеске байланысты» Иркутскіде төрт отряд бөлімшеге апарған.

Александр Габышев наурыз айында «Путинді Кремльден қуу үшін» Мәскеуге жаяу-жалпылап жолға шыққан еді. Оны полиция Бурятия мен Иркутскі облысының шекарасы маңында 19 қыркүйекте ұстады.

20 қыркүйекте таңертең Якутскі қаласына әкеліп, кейіннен психиатриялық сараптамаға жіберген. Оның үстінен «экстремизм» бойынша қылмыстық іс қозғап, елден кетпеу туралы қолхат алған. Ресей президентінің баспасөз хатшысы Дмитрий Песков бұған дейін Габышевтің ұсталуына «Кремльдің еш қатысы жоғын» айтқан.

Amnesty International адам құқығын қорғау ұйымы саха бақсысын «ар-ұждан тұтқыны» деп атап, оны босатуды талап етті. Ұйымның Мәскеудегі өкілдігі биліктің реакциясын «абсурд» деп атап, кез келген азамат сияқты Габышевтің де саяси көзқарасын айтып, діни рәсімдер жүргізуге құқығы бар екенін жеткізген.

Тегтер:

ҰҚСАС ЖАҢАЛЫҚТАР

Аңдатпа


  • Tengri Bank салымшылары кепілдік өтемін қай банктен және қалай алады
    25.09.2020, 10:26
  • Бір тәулікте қанша адам коронавирус жұқтырғаны анықталды
    23.09.2020, 09:43
  • Nur Otan еліміздің солтүстік облыстарына қатысты қандай уәде береді?
    22.09.2020, 09:50
  • Конгресс-Холл экс-директоры миллиардтаған ақша жымқырған ба?
    21.09.2020, 15:07
  • 100 жастағы әжей пневмониядан жазылып шықты
    20.09.2020, 14:39