Жазылу
10:55, 26 Тамыз 2023
«Барахолка» базарынан тағы өрт шықты
Алматыда «барахолка» базарында тағы контейнерлер өртенді.
ҚазАқпарат хабарлағандай, 26 тамыз сағат 08:37-де өрт сөндірілді.
Алматы қалалық ТЖД өрт сөндірушілер Жетісу ауданы, «Алмалы» базарындағы жанып жатқан контейнерлердегі өртті сөндіргенін мәлімдеді. Өртенген аумақ 80 шаршы метр болды.
«Қабылданған шаралардың арқасында өрттің жақын маңдағы тауарлық-материалдық құндылықтары бар сауда қатарларына таралуына жол берілген жоқ. Құрбандар мен зардап шеккендер болған жоқ», — деп хабарлады қалалық ТЖД баспасөз қызметі.
Полиция қызметкерлері өрт болған жерді жедел қоршауға алды.
