Батыс Қазақстан Жаңаөзенді қолдайды (видео)

Соның бір дәлелі кеше әлеуметтік желілерде Жаңақала, Ақжайық және Бөрлі аудандарының бір топ азаматтары бейнеүндеулер жариялады. Онда олар: «Жаңаөзен халқымен біргеміз! Қолдаймыз! Қарапайым адамдарға қарсы күш қолданылмасын!», — деген талап қойып отыр.

Сондай-ақ қоғам белсендісі, оралдық белгілі заңгер Абзал Құспан бүгін түнгі сағат 01:00-де ФБ парақшасында «Оралдық бір топ азаматтар Маңғыстаулық ағайындарды қолдап, облыстық және қалалық әкімшілік арасындағы алаңға жүк көліктерін қойып, митинг ұйымдастыруда! Жергілікті билік осыған кедергі келтіру мақсатында жолдың екі жағына ДЭП-тың тракторларын қойып тастады! Енді сырттан көлік кірмейді, іштен шыға алмайды. Назарбаев даңғылы толық жабық! ОМОН-ды автобуспен әкеп төгуде!», — деп жазба қалдырды. А.Құспан бұған кеттлингтің жаңа түрі деп баға берді.