Батыс Қазақстанда құтқарушылар су басқан аймақ тұрғындарына көмек көрсетті

Барлық жерде күннің күрт жылынып, қардың тез еруі тұрғын үйлер мен шаруашылық құрылыстарын су басып, «Шыңғырлау – Алмазный», «Шыңғырлау – Ақшат – Сегізсай», «Шыңғырлау – Ардақ – Ақтау», «Шыңғырлау – Ақсай» тас жолдарында су тасқынына әкеп соқты. 

Батыс Қазақстан облысының бірнеше ауданында төтенше жағдай жарияланды. Құтқарушылар тұрғындарға қауіп туралы ескертіп, өтенше жағдайлар министрлігінің қызметкерлері үйлері су басқан елді-мекендерде қалған азаматтарды эвакуациялауда. Апаттың алдын алу үшін бұл аумақтар токтан ажыратылған болатын.

Жергілікті атқарушы органдардың күшімен кезекшілік ұйымдастырылды. 13 наурыздан бастап аймақта табиғи төтенше жағдай жарияланды. Төтенше жағдайларды жою бойынша аудандық штаб құрылды, қауіпті аймақтарда тәулік бойы жұмыс жүргізілуде.

Наурыздың 15-і күні Ақтөбе облысы Төтенше жағдайлар департаментінің баспасөз қызметі «112» пультіне Алматы ауданындағы Жайық көшесінің бойында орналасқан жеке үйдің тұрғынынан қардың қарқынды еруінен ауылға жол жоқ екені, әйелге медициналық көмек қажет екені туралы хабарлама келіп түскенін хабарлады. Құтқарушылар жедел жәрдем бригадасына 1938 жылы туған әйелді тапсырды.

Дәл осы күні Саралжын ауылдық округіне қарасты «Спарта» шаруа қожалығында үш адам су басқан шетте қалып қойған. Құтқарушылар оларды қайықпен ауылдағы қауіпсіз жерге жеткізді.

Бұған дейін БҚО-да еріген судың кесірінен өлі күйінде табылған ер адамды ұшақпен тасымалдауға тура келгені хабарланған болатын.

Ал Ойыл өзені арнасынан асқаннан кейін бірнеше ауыл сыртқы әлеммен байланыс үзіп қалды. Ең алаңдатарлық жағдай Ойылжәне Қобда аудандарында қалыптасқан. 

Өңірдегі үйлердің бір бөлігін газдан ажыратуға тура келді. Еріген су басқан Қобда ауылының тұрғындары құтқарушылардың көмегімен су астында қалған үйлеріне кіріп, аман қалған заттарын алып кетуде. Бірақ көбінде ештеңе қалмаған, үйлердегі су тізеден асады, ал жиһаздар қалқып жүр.

Су тасқыны салдарынан Қобда ауданының мектеп оқушылары қашықтан оқу форматына ауыстырылды. Жергілікті гимназияны да су басқан. Жалпы ауданда үш мектептегі су тасқынына байланысты дәстүрлі форматтағы сабақтар тоқтатылды. Нұргүл Бертілеуова, Ақтөбе облысының білім басқармасының басшысының міндетін атқарушы:

«Көктемгі су тасқынына байланысты ағымдағы жылдың 14 наурызынан бастап Тайманов атындағы гимназияның 311 оқушысы, мектеп-интернаттың бес оқушысы, Егіндібұлақ ауылындағы Қобыланды батыр атындағы орта мектебінің 76 оқушысы, барлығы үш мектептен 390 оқушы қашықтан оқиды», — деді.

Қобды ауданының әкімі Болат Құлов.

«Кеше ғана моторлы қайықпен бардық, толығымен азық-түлікпен қамтамасыз етілді. Ол жақта жағдай қалыпты. Адамдармен кездестік».

Ал Ойыл ауданында өзен арнасынан асып кетті. Түн ішінде республикалық тас жолдың бір бөлігінде көлік қозғалысын шектеуге тура келді. Екі ауылдың жолын шайып кеткен. Екпетал ауылының тұрғындары қауіпсіз жерге көшірілді.

Қауіпсіздікті қамтамасыз ету мақсатында Екпеталдың 105 тұрғынын шұғыл эвакуациялау қажет болды — 50 ересек және 55 бала. Барлығына аудан орталығында белгі қойылды.

Мамандар әзірге су тасқынының қашан басылатынын нақты айта алмайды. Барлығының болжауға келмейтіні сонша, әкімдіктердің өздері де келесі дабыл сигналын қайдан күтетінін білмей отырған сияқты. Бірақ билік оптимизмді жоғалтпайды және жағдайды бақылауда ұстайтынына сендіреді.

Ал жергілікті Деркул өзені деңгейінің көтерілуіне байланысты Оралдан 13 шақырым жерде орналасқан Маштаково ауылындағы 70 үйдің тұрғындарын құтқарушылар қауіпсіз жерге көшірді. Маштаково ауылының «оң жақ» бөлігінің тұрғындары 14 наурыз күні кешке эвакуациялана бастады. Ауылдың бұл бөлігі еріген қардан суы күрт көтерілген Деркул өзеніне жақын орналасқан. Ауыл тұрғындарының басым бөлігі туыстарына кетсе, қалғандары эвакуациялық пунктке орналастырылған болатын.

Ал облыстың Сырым ауданында бұрын эвакуацияланған ауыл тұрғындарының біразы үйлеріне оралды. Бұл туралы Батыс Қазақстан облысының Төтенше жағдайлар департаментінен хабарлады. Ведомствоның мәліметінше, бес үйде су тартылған, онда 26 адам тұрады. Бұрын эвакуацияланған ауыл тұрғындарының қалған 230-дан астамы эвакуациялау пункттерінде және туыстарында қалды.