Байланыс сапасына бес айда 11 мың шағым түскен

Оның айтуынша, байланыс сапасына шағымдар уақыт өткен сайын көбейген.

Жұртшылық бұл мәселеге үнемі шағымданып келеді. Тек былтырдың өзінде байланыс сапасына шамамен 21 мың шағым келіп түсті, биыл 5 айда мұндай шағымдар саны 11 мыңға жуықтады. Мәселе тек шалғай елді мекендерде интернеттің нашар болуында ғана емес. Қалаларда да мобильді байланыс пен интернет сигналының көңілден шықпауы байқалады, – деді Бектенов.

Сонымен қатар, ол былтыр «Қолжетімді интернет» ұлттық жобасы қабылданғанын айтты. Ал, оны уақтылы іске асыру цифрлық даму министрлігіне жүктелген.

Барлық іс-шараларды орындау нәтижесінде 2027 жылға қарай елдімекендер мен жолдарды байланыс желілерімен қамту 100%-ға жетеді. Осы орайда тұрғындар жылдам, 100 Мбит/секундтан кем болмайтын интернетпен қамтамасыз етілуі керек. Республикалық және негізгі облыстық жолдарда сапалы ұялы байланыс пен мобильді интернет болуы тиіс, – деді Олжас Бектенов.