Бельгия соты Қазақстаннан 540 миллион доллар өндіріп алу туралы Стати өтінішін қанағаттандырды

24.12.2019, 21:31

8

Бельгия соты Қазақстаннан 540 миллион доллар өтемақы өндіріп алу туралы молдовалық олигарх, Ascom Group SA компаниясының бас директоры Анатол Статидің өтінішін қанағаттандырды. Бұл ақпаратты Cision сайты хабарлады.

«Брюссельдің бірінші инстанциялық соты Қазақстан Республикасынан 540 миллион доллар өндіріп алу туралы арбитраж сотының шешімін мойындап, оны орындауды бұйырды. Бұл іс бойынша Ascom Group SA компаниясының қарсыласы — Қазақстан Республикасы» делінген компания таратқан баспасөз хабарламасында.

Брюссель сотының 34 беттен құралған сот қаулысында шешімге қарсылық танытқан Қазақстан тарабының барлық өтініштерінің қабылданбағаны жазылған. Бір күн бұрын Люксембургтің апелляциялық соты осыған ұқсас шешім шығарып, Қазақстанның өтініштерін қанағаттандырмаған.

Қазақстанның әділет министрлігі әзірге шешімге байланысты түсініктеме бермеді.

Молдовалық бизнесмен Стати мен Қазақстан билігі арасындағы сот бірнеше жылдан бері жалғасып келеді. Қазақстанның мұнай саласына инвестиция салған Анатол Стати мен оның ұлы Габриэль Стати Қазақстанның мемлекеттік органдары өзін «инвестициясын тым арзанға сатуға мәжбүрлеу үшін қыспаққа алғанын» айтады.

Бұл іс бойынша негізгі шешімді 2013 жылы желтоқсанда Швецияның арбитраж соты шығарған. Швеция соты Қазақстан инвесторлар алдындағы халықаралық міндеттемелерін бұзды деп танып, Статиге 500 миллион доллар көлемінде өндіріп беру туралы шешім шығарған. Кейінірек Нұр-Сұлтан бұл айыптауды терістеп, Статиді «алаяқтық жасады» деп айыптады.

Содан бері Стати бірнеше мемлекетте сот шешімін күшпен орындатуға күш салып келеді. 2017 жылы желтоқсанда New York Mellon банкі Анатол Статидің Қазақстан үкіметіне қарсы арызы бойынша Қазақстан Ұлттық қорының 22 миллиард доллар қаржысынбұғаттағаны жария болған.

Биыл мамырда Нидерланд соты құны 5,2 миллиард доллар тұратын Нидерландтың KMG Kashagan B.V. компаниясындағы «Самұрық-Қазына» мемлекеттік қоры акцияларына салынған тыйымды күшінде қалдырды. Бұл акцияларға Қазақстан үкіметі мен Анатол Стати арасындағы дау аясында тыйым салынған еді.

Тегтер:

ҰҚСАС ЖАҢАЛЫҚТАР

Аңдатпа


  • Жарты мүшелі жан жұртқа жігер беріп отыр (видео)
    10:22
  • Ар сатылды, кен шашылды
    09:55
  • Ұлттық банк теңгенің әлсіреуіне қатысты түсінік берді
    28.09.2020, 15:45
  • «Shymkent bike» қызметін пайдаланушылар көбейді
    26.09.2020, 15:01
  • Үш мыңға жуық медицина қызметкеріне біржолғы төлем берілді
    28.09.2020, 11:16