Билік Арыстағы мыңдаған үйдің "жөнделгенін" хабарлады

01.08.2019, 09:00

5

Қазақстанның индустрия мен инфрақұрылымдық даму министрлігі бүгін, 31 шілде күні әскери қойма жарылған соң қираған Арыс қаласындағы 5 776 үйдегі «негізгі қалыпқа келтіру жұмыстары» аяқталғанын хабарлады.

Министрліктің баспасөз қызметі таратқан ақпаратқа қарағанда, "қалыпқа келтірілген үйлердің" 2 529-ында жеңіл жөндеу жұмыстары әлі жалғасып жатыр. Ведомство хабарынша, көпқабатты 21 үйді дайын толық жөнделген. Министрлік үйлерді қалыпқа келтіруге қанша қаржы кеткенін көрсетпеген.

24 маусымда Түркістан облысындағы Арыс қаласында болған жаралыс кезінде үйлердің 85 пайызы зақымданып, 20-дан аса үй өртеніп кеткен. Қазақстан үкіметі бюджет пен демеушілер, қазақстандықтар қаржысы жиналған арнаулы қор есебінен үйлерді жөндеп беруге уәде еткен.​

15 шілдеде Арысқа барған Азаттық тілшісі ондаған тұрғынмен сөйлескен. Үйі бұзылған тұрғындардың кейбірі "құрылыс дұрыс жүрмей жатыр" деп ренжіген. Жергілікті әкімдік "әрбір үйдің құрылысын жеке бақылап отырғанын" айтып, тұрғындар сөзін жоққа шығарған.

Оқи отырыңыз: Үйі бұзылған кейбір арыстықтар ренжулі

Ресми дерек бойынша, Арыстағы апат кезінде үш адам қаза тапқан. Оның екеуі — әскери қызметкер, біреуі — бейбіт тұрғын. Билік әуелде Арыста бірнеше күнге созылатын төтенше жағдай жариялаған еді. Алайда 27 маусымда Шымкентте шеруге шыққан жүздеген арыстық соңғы он жыл ішінде төртінші рет жарылыс болған Арыс қаласына бармайтынын айтып, биліктен өздерін басқа жаққа көшіруді талап еткен.

28 маусымда билік Шымкент пен көрші елдімекендерді уақытша паналаған арыстықтардың үйлеріне оралуына рұқсат беруге мәжбүр болды.

Тегтер:

ҰҚСАС ЖАҢАЛЫҚТАР

Аңдатпа


  • Жарты мүшелі жан жұртқа жігер беріп отыр (видео)
    10:22
  • Ар сатылды, кен шашылды
    09:55
  • Ұлттық банк теңгенің әлсіреуіне қатысты түсінік берді
    28.09.2020, 15:45
  • «Shymkent bike» қызметін пайдаланушылар көбейді
    26.09.2020, 15:01
  • Үш мыңға жуық медицина қызметкеріне біржолғы төлем берілді
    28.09.2020, 11:16