Биліктен кеткен Судан президенті екі жылға сотталды

16.12.2019, 03:00

19

Биліктен қуылған Судан президені Омар әл-Башир ел астанасы Хартумдағы соттың шешімімен екі жылға сотталды. 75 жастағы экс-президентке “жемқорлық” айыбы тағылған. Бұл туралы 14 желтоқсанда халықаралық ақпарат агенттіктері хабарлады.

Сот Омар әл-Баширді “заңсыз ақша сақтады”, “шетелден ақша алды” және “заңсыз пайда тапты” деп айыптаған. Экс-президент жасына байланысты жазасын түзету орнында өтейді.

Биыл сәуірде Суданда халық наразылыққа шығып, әскерилер әл-Баширді биліктен құлатқан. Елдегі наразылық экономикалық талаптармен басталып, кейін жұрт президенттің отставкаға кетуін талап етті.

Оқи отырыңыз: Омар әл-Башир қалай биліктен қуылып еді?

Қазір Суданда экс-президенттің үстінен тағы екі іс қозғалған. Мамырда оған “наразылыққа шыққандарды өлтіруге қатысы бар” деген айып тағылған. Ал осы аптада әл-Баширді 1989 жылғы әскери төңкерістегі рөлін анықтау үшін тергеуге шақырған. Ол 1989 жылғы төңкерістен кейін билікке келген.

Бұдан бөлек, әл-Баширдің үстінен Халықаралық қылмыстық сотта екі ордер бар. Онда экс-президент Суданның Дарфур аймағындағы әскери қақтығыста халыққа геноцид жасады деген айып тағылған.

Тегтер:

ҰҚСАС ЖАҢАЛЫҚТАР

Аңдатпа


  • Жарты мүшелі жан жұртқа жігер беріп отыр (видео)
    29.09.2020, 10:22
  • Ар сатылды, кен шашылды
    29.09.2020, 09:55
  • Ұлттық банк теңгенің әлсіреуіне қатысты түсінік берді
    28.09.2020, 15:45
  • «Shymkent bike» қызметін пайдаланушылар көбейді
    26.09.2020, 15:01
  • Үш мыңға жуық медицина қызметкеріне біржолғы төлем берілді
    28.09.2020, 11:16