Бишімбаевқа жаңа айып тағылды

23.01.2018, 23:00

230

Астанада бұрынғы ұлттық экономика министрі, жемқорлық айыбы тағылған Қуандық Бишімбаевтың ісі бойынша сотта кейбір сотталушылар прокурормен процессуалдық келісім жасасу туралы өтініш білдірді.  Жеті сотталушы кінәсін мойындайтыны туралы талап арыз түсірген соң, судья кеңесу бөлмесіне шығып кетті.

Бұрынғы ұлттық экономика министрі Қуандық Бишімбаевтың үстінен қозғалған қылмыстық іс бойынша сот процесі Астананың мамандандырылған ауданаралық қылмыстық сотында өткен жылы қараша айында басталған-ды. Онымен бірге айып тағылған 22 адамның арасында «Бәйтерек Development» компаниясының басшысы Бақыт Жақсыбаев, басқарма төрағасының орынбасары Аслан Жақыпов және басқалар бар.

Процессуалдық келісім жасасуға өтініш берген сотталушылар арасында «Бәйтерек DEVELOPMENT» компаниясының бұрынғы екі директоры да бар.

Бүгін бұған дейін прокурорлар Бишімбаевқа Қылмыстық кодекстің 189-бабы 4-бөлігінің 2-тармағы («Топ болып немесе астыртын сөз байласып, сенiп тапсырылған бөтен мүлiктi иемденiп алу немесе талан-таражға салуды ұйымдастыру») бойынша жаңа айып тағылғанын мәлімдеген.

Ақпарат агенттіктерінің хабарлауынша, Бишімбаевтың адвокаттары экс-министрге бұған дейін тағылған айыппен қайта айыпталғанын, бірақ «қылмысты жасаушылар құрамы аздап өзгергенін» айтқан.

Қаңтардың 8-і күні сот процесінде сөз алған бұрынғы ұлттық экономика министрі, 37 жастағы Қуандық Бишімбаев «ел президенті Нұрсұлтан Назарбаев пен барша қазақстандықтардың сенімін ақтай алмағаны» үшін өзін кінәлі сезінетіні туралы мәлімдеген болатын.

Тегтер:

ҰҚСАС ЖАҢАЛЫҚТАР

11.08.2020, 07:22
Берешекке белшесінен батқан беткеұстарлар
07.08.2020, 06:39
Коронавирус індеті кезінде тұрмыстық зорлық-зомбылық 21 пайызға өсті - ІІМ
06.08.2020, 07:36
«Біздің әкім белсенді»
04.08.2020, 07:05
Диқандар неге ашулы?
30.07.2020, 07:14
«Қазақмыстағы» қанды оқиға: іс сотқа түсті
29.07.2020, 07:57
Алматыда құрбандыққа шалынған мал етін мұқтаж жандарға жеткізу ұйымдастырылады

Аңдатпа


  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39