Биыл педагогикалық квотаға бөлінген гранттар көбейді

Оның ішінде 73 мың грант бакалавриатқа, 13 мың грант магистратураға, 1890 грант докторантураға деп қарастырылып отыр.

Бұл туралы Орталық коммуникациялар қызметінде өткен брифингте ғылым және жоғары білім вице-министрі Қуаныш Ерғалиев мәлім етті.

2023 жылы Қазақстанда 88 мың грант бөлінді. ҰБТ-ны 166 мың адам тапсырады.

«Айта кетерлігі, биылғы жылы педагогикалық квотаға бөлінетін гранттар көбейсе, яғни бұл мақсатқа барлығы 6280 грант бөлінбек. Ал «Серпін» бағдарламасы бойынша 3653 грант бөлінді. Грант бөлуге құжаттарды қабылдауда, сондай-ақ тізімдерді жариялау бөлігінде ешқандай өзгеріс жоқ», — деді Ерғалиев.

Құжаттар 13 маусым мен 30 маусым аралығында қабылданады. Биылғы ҰБТ-ның басты ерекшелігі – талапкерге негізгі ҰБТ-ны екі рет тапсыру және үздік нәтиже көрсеткен гранттарды тағайындау конкурсына қатысу мүмкіндігі беріледі. Бұл ретте екінші ҰБТ кезінде бейіндік пәндердің комбинацияларын өзгертуге жол берілмейді (бірінші тапсыруғандағымен бірдей болуы керек).

«2022-2023 оқу жылынан бастап «Информатика» пәні ҰБТ бейіндік пәндер комбинациясының тізіміне енді. Осыған байланысты білім беру бағдарламаларының «Информатика мұғалімдерін даярлау», «Ақпараттық технологиялар», «Ақпараттық қауіпсіздік» топтарына түскендер ҰБТ-ны «Математика-информатика» комбинациясы бойынша тапсырады. Сондай-ақ ерекше қажеттіліктері бар балалардың ҰБТ тапсыруына жағдай жасалды, атап айтқанда, оларға қосымша 40 минут уақыт беріледі, оларға сызбасыз және сызбасыз сұрақтар әзірленді. Бұл бағыттағы жұмыстар жалғасын табады», — деп қосты ресми өкіл.

Балалардың 75 пайызы ҰБТ-ны қазақ тілінде, 25 пайызы орыс тілінде, 0,14 пайызы ағылшын тілінде тапсырады. Тестілеу форматында ешқандай өзгерістер жоқ. Пәндердің саны өзгеріссіз қалды – үш міндетті және екі таңдау бойынша, барлығы 120 тест тапсырмасы. Қазақстан тарихынан – 20, оқу сауаттылығы бойынша – 15, математикалық сауаттылықтан – 15 және екі бейіндік пәннен 35 тапсырма. Ең көп ұпай саны – 140. Тестілеудің жалпы уақыты – төрт сағат (240 минут).

Негізгі талап – тест тапсыру ережелерін сақтау және академиялық адалдық. Бір оқушы бір компьютерде тест тапсырады. Оны бақылайтын екі камера болады.

Айта кетейік, тыйым салынған заттарды алып жүрген немесе заң бұзушылыққа жол бергендердің нәтижелері жойылады.

«Құқық» және «Педагогика ғылымдары» бағыттарына түсу үшін кемінде 75 балл, «Денсаулық сақтау және әлеуметтік қамсыздандыру (медицина)» — кемінде 70 балл, «Ауыл шаруашылығы және биоресурстар», «Ветеринария» — 60-тан кем емес балл, ұлттық жоғары оқу орындарына түсу үшін – кемінде 65 балл, басқа жоғары оқу орындарына – 50 баллдан кем емес жинау керек;