Бизнес-идеяларды жүзеге асыруға жаңа мүмкіндік туды

Грант соммасы 400 АЕК (1 225 200 теңге). Әрбір қатысушы оны тек бір рет ала алады.

Өтініш беру үшін қажетті қадамдар:

1. порталда тіркелу;
2. грант алу шарттарына сәйкестікке тексеруден өту;
3. бизнес-жоспар үлгісін жүктеп алу, оны толтыру және порталға жүктеу;
4. өтініш формасын толтыру және ЭЦҚ кілтімен қол қою.

Интернетке немесе компьютерге қолжетімділік болмаған жағдайда, жұмыспен қамту орталықтарының, халыққа қызмет көрсету орталықтарының, кәсіпкерлерге қызмет көрсету орталықтарының өзіне-өзі қызмет көрсету аймақтарына жүгінуге болады.

Жаңа бизнес-идеяны жүзеге асыруға арналған мемлекеттік грантқа үміткерлер: тіркелген жұмыссыздар; жеке кәсіпкерлер (тіркеу мерзімі 3 жылға дейін); бірыңғай жиынтық төлемнің төлеушілері.

Бұл ретте өтініш беруші мынадай әлеуметтік санаттардың біріне жатуы тиіс: мүгедектер; жарамды «қандас» мәртебесі бар тұлғалар; аймақаралық қоныс аударушылар; аз қамтылған отбасы мүшелері; көпбалалы отбасының мүшесі (күйеуі/әйелі); мүгедек баланы (күйеуі/әйелі) тәрбиелеп отырған адам; асыраушысынан айрылу жағдайы бойынша жәрдемақы алушылар; жастар.

Үміткердің «Bastau Business» жобасы бойынша кәсіпкерлік негіздерін оқыту мерзімі 3 жылдан аспайтын сертификаты болуы керек.

Рәсімдердің ашықтығын қамтамасыз ету, адам факторын азайту және үміткерлерге ыңғайлы болу үшін гранттарды берудің барлық процесі электронды форматқа көшірілді. Гранттық өтінімдер бірыңғай – Business.enbek.kz порталы арқылы қабылданады.

Грантты: қажетті инвентарларды, құрал-саймандарды, технологиялық жабдықтарды, жануарларды, малдарды, құстарды, көшеттерді, бұталарды, тұқымдарды, көшеттерді сатып алуға, үй-жайды жалға алу ақысын төлеуге алуға болады.

Гранттар: тұтынушылық мақсаттарға, несиелік қарыздарды өтеуге, тұрғын үйді сатып алуға және салуға, жер телімдерін сатып алуға, акцизделетін өнімдерді өндіру мақсаттары үшін қарастырылмайды.

Гранттарды жұмыспен қамту орталықтары өтініш берушілердің өтініштерін қарағаннан кейін аудандық, қалалық комиссияның шешімі негізінде береді. Өтініш берушілер өздерінің бизнес-жобасын комиссия отырыстарында ұсынады. Бұл ретте комиссияның әрбір мүшесі бизнес-жоспарды бағалайды және келесі критерийлер бойынша бағалау парағын толтырады: бизнес-идеяның бәсекеге қабілеттілігі, өткізу нарықтарының дамуы, бизнес-жобаның қаржылық тұрақтылығы, іске асыру деңгейі, кәсіпкерлік дағдылар деңгейі, жаңа жұмыс орындарын ашу.

Осылайша, грант беру туралы шешім комиссиялық негізде және үміткерлердің бизнес-жобаларын әзірлеуді бағалаудың нақты критерийлері негізінде қабылданады.

Комиссияның шешімі өтініш берушінің порталдағы жеке кабинетіне жіберіледі. Комиссияның оң шешімі болған жағдайда өтініш беруші банктік деректемелерді береді, келісімге қол қояды, содан кейін тоқсан сайын қаражатты пайдалану туралы есеп береді. Мұның барлығы жұмыспен қамту орталықтарына бармай-ақ электронды түрде жүзеге асырылады.