БҚО-да қыз зорлады деп күдікке ілінген аудан әкімдігінің экс-қызметкері қайтыс болды

 Бұл туралы «Мой город» жазды.

Ресми емес мәліметтерге сәйкес, Шыңғырлау ауданының экс-шенеунігі 16 наурыз күні көз жұмған. Тараған хабарламаларда қоштасу рәсімі 19 наурызға белгіленгені айтылған, алайда өлімнің нақты себебі әзірге жарияланған жоқ.

Резонансты істің хронологиясы

Шыңғырлау ауданындағы жанжал жыл басында басталған. 2 қаңтар күні полицияға 16 жастағы қыздың әкесі арызданған.

Оның айтуынша, ер адам қызды алдап үйіне шақырып, оған зорлық жасаған. Полиция бұл дерек бойынша ҚР Қылмыстық кодексінің 120-бабы («Кәмелетке толмағанды зорлау») бойынша тергеу басталғанын растаған.

Кейін  құқық қорғау органдары хат-хабарларды тексеру барысында зорлық фактілері анықталмағанын мәлімдеді. Қыз бен оның анасы шағымдары жоқ екенін, ал қатынас «өзара келісіммен болғанын» айтқан.

Алайда жәбірленушінің әкесі бұл нұсқаны түбегейлі жоққа шығарып, оны шындыққа жанаспайды деп атаған.

Ұстау және жұмыстан босату

Қарама-қайшы мәлімдемелерге қарамастан, БҚО прокуратурасы 27 ақпанда күдіктінің ұсталып, уақытша ұстау изоляторына (ИВС) қамалғанын хабарлаған.

Сол уақытқа дейін ол Шыңғырлау аудандық әкімдігі бөліміндегі қызметінен босатылған.

Полиция тергеу тараптардың татуласу туралы мәлімдемелеріне қарамастан жалғасып жатқанын атап өткен.