Жазылу
Блогер ауыл шаруашылығы министрі Сапаровты сотқа берді
Қазақстандық блогер Кирилл Павлов ауыл шаруашылығы министрі Айдарбек Сапаровты сотқа беретінін мәлімдеді. Себеп – министрдің «Қазақстан өзін сүт өнімдерімен толық қамтамасыз етіп отыр» деген сөзі.
«Бұл – жалған ақпарат»
Павловтың айтуынша, Сапаровтың бұл мәлімдемесі шындыққа жанаспайды. Ол ресми статистика мен халықаралық дерекқорлардағы нақты мәліметтерді мысалға келтірді.
-
2024 жылы Қазақстан шетелден 183 мың тонна сүт өнімін импорттаған.
-
Бұл импорттың құны 400 млн АҚШ долларына жеткен.
Оның айтуынша, бұл сандар Қазақстанның сүт өнімдерінде әлі де импортқа тәуелді екенін көрсетеді.
Ірімшік пен сүзбенің көбі – сырттан
Павлов ресми деректерге сүйене отырып, елдегі ірімшік пен сүзбенің кем дегенде жартысы шетелден әкелінетінін айтты.
Сарапшылардың пікірінше, Сапаровтың сөзі – аграрлық саладағы жүйелі проблемаларды жасыру әрекетіне ұқсайды. Министрдің «өзін-өзі толық қамтамасыз еттік» деген пікірі шын мәнінде саланы дамытудағы сәтсіздікті бүркемелеу сияқты бағалануда.
