Жазылу
Bloomberg: Лондон Украинаға арнап АҚШ-тан қару-жарақ сатып алуға дайын
Еуропа елдері Киевке АҚШ қаруын сатып алу мәселесінде әр түрлі пікір білдіріп отыр. Алайда Ұлыбритания бұл бастаманы қолдауға әзір болуы мүмкін, деп хабарлады Bloomberg агенттігі дереккөзге сілтеме жасай отырып.
Сарапшылардың айтуынша, Британ үкіметі Дональд Трамптың Украинаға көлемді қару-жарақ сатып алу жоспарына қатысу мүмкіндігін талқылап жатыр. Бұл бастамаға сәйкес, америкалық қару-жарақты сатып алу және оны Украинаға жеткізу шарты Киевтің Еуропадағы одақтастары арқылы қаржыландырылмақ.
Ұлыбритания премьер-министрі Кир Стармер:
«Біз одақтастармен бірге Украинаға көмектесу мүмкіндіктерін пысықтап жатырмыз», — деп атап өтті. Ол сондай-ақ, бұл бастаманы «тиімді әрі стратегиялық» етуге тырысатынын жеткізді.
Кейінгі күндері АҚШ президенті Дональд Трамп Patriot әуе қорғаныс жүйесін қамтитын үлкен әскери көмек пакетін ұсынды. Оның мәліметінше, кемінде 17 әуе қорғаныс қаруы жеткізілуі мүмкін. Бұл сома Украина тарабы үшін де күтпеген болды – әскери барлау жүйесі басшысының орынбасары Вадим Скибицкий бұл жерде тек батареялар емес, кешеннің кейбір құрамдас бөліктері ғана қамтылған деп түсіндірді. The New York Times газетінің жазуынша, қазіргі таңда Украинаның қолында бар-жоғы 8 Patriot кешені бар.
