Боқаевқа тағылған айыптың бірі оның ұлттық компаниядағы қызметіне қатысты – Бас прокуратура

Өтегеновтің айтуынша, Боқаев:

аса ірі көлемде алаяқтық жасады деген күдікке ілінген;

ағаштарды заңсыз кесуді ұйымдастырды деп күдіктелуде.

 «Алаяқтық фактісі оның ұлттық компанияда жұмыс істеген кезеңіне қатысты», – деді ол.

Ашық деректерге сәйкес, Боқаев 2015–2018 жылдары ҚазТрансГаз басқарма төрағасының кеңесшісі қызметін атқарған.

Қазіргі таңда іс бойынша тергеу амалдары жүргізіліп жатыр.

18 наурызда Бас прокуратура Боқаевтың Алматыда ұсталғанын хабарлаған. Оған қатысты екі бап бойынша іс қозғалған:

ҚК 190-бабы 4-бөлігі – «Аса ірі көлемдегі алаяқтық»;

ҚК 340-бабы 3-бөлігі – «Ағаштарды заңсыз кесу».

Тергеу нұсқасына сәйкес, Боқаев әлеуметтік желілерде жағымсыз пікір қалыптастыру мақсатында ағаштарды кесуді ұйымдастырған. Бұл әрекеттерге ол азаматтарды ақшаға тартқан деген күдік бар.

31 наурызда сот санкциясымен Боқаев екі айға қамауға алынды.