Братиславада Украинаны қолдаған шеру өтті

 3 қаңтар күні кешке төрт мыңға жуық адам Братиславадағы Словакия үкіметінің ғимаратына келіп, Украинаны қолдап, премьер-министр Роберт Фицоға наразылық білдірді, деп хабарлайды словакиялық ақпарат порталы Aktuality.

Акцияны ұйымдастырушы Украина қарулы күштері үшін оқ-дәріге ақша жинайтын "Украинаға бейбітшілік" азаматтық бірлестігі болған. Шерушілер Словакия мен ЕуроОдақтың туын ұстап жүрген. Олар ЕуроОдақтың әнұраны – Бетховеннің 9-шы симфониясын орындаған. Ұрандардың арасында: "Словакия – Еуропа!", "Фицо, Мәскеуге көш!" сияқты сөздер айтылған.

Мінберде сөз сөйлеген оппозициялық саясаткер Люсия Щтаселова 1968 жылы Кеңес әскерлерінің Чехословакияға кіргенін еске алды.

"Мен бұл елдің Ресейдің саяси ықпалына түсуіне жол бермеймін", - деді ол.

Ескі және жаңа Словакияның әнұрандары

Акция соңында 1993 жылы қабылданған Словакия әнұранының ескі нұсқасы шырқалды. Бұл сондай-ақ оппозицияның белгісі, өйткені сәрсенбі, 1 қаңтарда Фицо бастаған ел үкіметі жаңа әнұранды бекітті. Мәдениет министрі Мартина Шимковичова бұл «ұлттық мақтаныш сезімін арттыру керек» деді.