Бүгін – Тәуелсіздік күні

Қазақстан 1991 жылы 16 желтоқсанда «Тәуелсіздік пен мемлекеттің егемендігі туралы» заңды қабылдады. Айта кетерлігі, Қазақстан одақ құрамындағы елдердің арасында ең соңғысы болып Тәуелсіздігі туралы заңды қабылдады.

Қазақстанның Тәуелсіздігін ресми түрде ең алғаш болып Америка Құрама Штаттары мойындаған еді. Одан кейін Қытай, Ұлыбритания, Моңғолия, Франция, Жапония, Оңтүстік Корея және Иран Ислам мемлекеті Қазақстанды тәуелсіз мемлекет ретінде мойындап, таныды. Түркия алғаш болып Қазақстанда өз елшілігін ашты.

Тәуелсіз еліміздің 33 жылдық тарихында Қазақстан жеткен жетістіктер ұшантеңіз. Тәуелсіздік жылдарында жеткізген жетістіктеріміз әрі қарай артып, дамыған елдермен тең дәрежеде орын алатынына сенім мол. Біздің тарихымыз айтулы жетістіктерге толы. Бүгін бір елеулі оқиғаны басымыздан кешірсек, ол – ертеңгі тарих. Болашағымыз айқын да, анық және жетістіктерге толы болсын.