Біз бүкіл әлемді шарлап, Путинді іздей алмаймыз - Зеленский

«Анкарада жоқ, Стамбулда жоқ. Біз бүкіл әлемді шарлап, оны іздей алмаймыз ғой», – деді Украина басшысы.

Зеленскийдің айтуынша, Ресей тарапы келіссөздерге әлсіз құрамдағы делегация жіберу арқылы соғысты тоқтатуға мүдделі еместігін анық аңғартты. Бұл — бейбіт келіссөздерге, әлемдік қауымдастыққа және соғысты тоқтатуға ұмтылып отырған елдерге деген құрметсіздіктің көрінісі.

«Бүгін Ресей тағы да соғысты тоқтатуға ниетті емес екенін көрсетті. Олар келіссөздерге әлсіз құрамдағы делегация жіберді. Бұл – жай ғана келіссөз үшін келіссөз жүргізу, ал нақты шешім қабылдау ниеті жоқ екені анық байқалады. Мұндай тәсіл – тек Украинаға ғана емес, жалпы бейбітшілікке, халықаралық қауымдастыққа және серіктестерімізге де құрметсіздік. Біз халықаралық әріптестерден нақты әрі күшті жауап күтеміз», - деді Зеленский.

Ол сондай-ақ соғысты аяқтау үшін Украинаның дипломатиялық жолдарды қолдайтынын, бірақ қарсы тараптан шынайы ниет байқалмаса, бұл келіссөздер нәтиже бермейтінін атап өтті.