Чарли Киркті өлтіруде күдікті делінген адам ұсталды

Президент күдіктінің аты-жөнін атамады, тек оны «өте жақын адамы» қолға түсіруге көмектескенін айтты. Кейінірек ол күдіктінің әкесі екенін нақтылады.

Ақпаратты нақтылау туралы сұраққа жауап бере отырып, Трамп күдіктінің әкесі ұлына: «Біз баруымыз керек», – дегенін айтты. «Олар көлікпен полиция басқармасына келді, қазір ол сонда», – деген Ақ үй басшысы.

Кейінірек Федералдық тергеу бюросы (ФТБ) мәлімдегендей, Тайлер Робинсонның туысы оқиға туралы досына айтқан, ол Вашингтон округі шерифінің кеңсесіне хабарласқан. Содан соң бұл ақпарат федералдық тергеушілерге, соның ішінде ФТБ-ға жеткізілген.

CNN мен ABC телеарналарының хабарлауынша, әкесі ұлын берілуді көндірген соң жастар шіркеуінің руханимен байланысқан, ал ол АҚШ маршалдар қызметіне хабар берген.

Юта штатының губернаторы Спенсер Кокс баспасөз мәслихатында «дұрыс қадам жасағаны үшін» Тайлер Робинсонның туыстарына алғыс білдірді.

ФТБ директоры Кэш Пател тергеу «тарихи жетістікке» небәрі 33 сағат ішінде қол жеткізгенін айтты.

Трамптың сөзінше, бастапқыда тергеуде «мүлдем ештеңе болмаған». «Біз құмырсқадай көрінген видеодан бастадық – ол дерлік пайдасыз еді. Видеода тек біреудің жүргені ғана байқалды», – деді ол. Бұған дейін ФТБ жариялаған видеода күдіктінің атылған ғимарат шатырынан түсіп, оқиға орнынан қашып кеткен сәті көрінген еді.

Трамп егер күдікті кінәлі деп танылса, оған өлім жазасы тағайындалатынына үміт білдірді.

«Кирк ең жақсы адам еді, ол мұндайды лайық емес болатын», – деді ол.

Трамп оның жаназасына қатысатынын айтты. Сондай-ақ ол Кирктің өлтірілген видеосын көрмегенін, себебі оны тірі күйінде есте сақтағысы келетінін жеткізді. Оның айтуынша, Кирк оған «ұлындай» болған және TikTok бойынша көмектескен.

Күдікті туралы не белгілі?

Трамп бастапқыда күдіктінің нақты кім екенін атамады, тек оның жасын 28–29 деп көрсетті. Кейінірек оның Юта штатында тұратын 22 жастағы Тайлер Робинсон екені нақтыланды. BBC Verify журналистері Тайлер Робинсонға қатысты әлеуметтік желілердегі аккаунттарды зерттеді.

Facebook-тегі парақшалардың бірі оның анасына тиесілі болуы мүмкін. Соңғы оқиғалардан кейін ол Тайлердің суреттерін өшіре бастаған. Жазбаларға қарағанда, отбасы атыс болған университеттен үш сағаттық жерде орналасқан Сидар-Ситиде тұрады.

Аккаунт отбасылық өмірдің көптеген сәттерін көрсетеді, оның ішінде саяхаттар мен атыс клубтарында түскен фотолар бар.

Басқа жазбалар Тайлер Робинсонның Pineview орта мектебінде оқығанын көрсетеді. 2022 жылы ол Юта мемлекеттік университетіне түсу үшін Логан қаласына көшкен – бұл атыс болған жерден екі сағаттық қашықта.

Кирктің өлімі туралы не белгілі?

Трамптың негізгі одақтасы болған, оның жеңісіне үлес қосқан 31 жастағы Чарли Кирк сәрсенбі күні Utah Valley университеті кампусында сөз сөйлеп тұрған сәтінде оққа ұшты.

АҚШ президенті Кирктің өлімі үшін «радикалды солшылдарды» айыптады. Себебі Кирк – елдегі консервативті қанаттың ең танымал өкілдерінің бірі әрі көптеген жас консерваторлардың кумирі еді.

Құқық қорғау органдарының дерегінше, Киркке қарсы атылған жалғыз әрі өлімге әкелген оқ университет ауласын анық көруге болатын Losee Center ғимаратының шатырынан атылған. Мерген Кирк отырған жерден шамамен 130 метр қашықта болған.

ФТБ арнайы агенті қылмыста қолданылған қарудың табылғанын хабарлады. Ол сараптамаға жіберілді.

CBS дереккөздеріне сәйкес, бұл – 30-06 калибрлі Mauser мылтығы. Сондай-ақ криминалистер күдіктінің аяқ киімі, алақаны мен білегінің іздерін тапқан.

Кейінірек Юта губернаторы Кокс тергеушілердің қара матаға оралған қол мылтық тапқанын, оған оптикалық көздеуіш орнатылғанын айтты.