Дания Трамптың сөздерінен кейін Гренландия қорғанысын күшейтеді

Данияның қорғаныс министрі Троэлс Лунд Поулсен Гренландия аралында орналасқан әскерлер контингентін күшейту туралы хабарлады. Бұл сөздерді ол даниялық Jyllands Posten газетіне берген сұхбатында айтты.

Министрдің мәлімдемесіне сәйкес, әлемдегі ең үлкен аралды қорғауға қосымша «миллиардтаған» дат кронасы бөлінеді. Копенгаген бұл қаражатты екі патрульдік қайық, екі алыс қашықтыққа ұшатын ұшақ және екі шана иттерін сатып алуға жұмсайды, сонымен қатар Гренландиядағы әскер санын көбейтеді.

«Біз көп жылдар бойы Арктикаға жеткілікті инвестиция салған жоқпыз», - деді Троэлс Лунд Пулсен. Министр Данияның Гренландияның кең аумағын жалғыз бақылай алмайтынын атап өтті. «Нақты жоспарлар жоқ, бірақ біз Америка Құрама Штаттарымен жұмыс істейміз», - деді ол.