Жазылу
Дәрігер сауыққаннан кейін пайда болатын омикрон белгілерін атады
Дәрігер Энн Мэри омикрон жұқтырған науқастарда бел ауруы «дельта» штамын жұқтырған науқастарға қарағанда әлдеқайда жиі пайда болатынын және ауру жиі мазалайтынын айтты, — деп хабарлайды Tengrinews.kz тілшісі РИА Новостиге сілтеме жасап.
Омикрон жөтелді, безгекті, дәм мен иісті жоғалтуды тудыруы мүмкін екені айтылды. Дегенмен, инфекциядан кейін кей адамда сақталатын екі ерекше белгі бар: бел ауруы және бас айналуы.
«Жаңа мутация ауыр миалгиямен (бұлшықет ауруы) қатар жүреді», — деді Энн Мэри.
B.1.1.529 коронавирус мутациясы, сондай-ақ омикрон штамы ретінде белгілі, қарашаның аяғында Ботсвана мен Оңтүстік Африкада анықталған. Ғалымдар пікірінше, геномдағы көптеген өзгеріс бұл түрдің жоғары тасымалдағыштығын және қорғаныс антиденелеріне төзімділігін көрсетеді.
