Жазылу
Дрондар Грозныйдағы «Грозный-Сити» кешеніне соққы жасады
5 желтоқсан таңында Шешенстан астанасындағы «Грозный-Сити» көпқабатты кешеніне дронмен шабуыл жасалды.
Алғаш ақпаратты шешен оппозициясының NYISO Telegram-арнасы таратты, кейін бұл деректі ресейлік RT арнасының құқық қорғау органдарындағы дереккөзі растады.
28-қабаттағы жарылыс
Әлеуметтік желілерде жарияланған фото-видеоларға қарағанда, соққы ғимараттың шамамен 28-қабатына тиген. Жарылыс толқыны бірнеше қабаттың қасбетін қиратып, ғимаратта өрт шыққан.
Ресми билік әлі түсініктеме берген жоқ. Жараланғандар туралы ақпарат та жарияланбады.
Шабуыл жасалған қабатта қауіпсіздік қызметінің бөлімшелері, аймақтық туризм министрлігі, Әділет министрлігі, Есеп палатасы, сондай-ақ «Единая Россия» партиясының сайлау комиссиясы мен қоғамдық қабылдауы орналасқан.
Шабуыл кімге бағытталған болуы мүмкін?
Шабуыл орнының дәл жанында Федералдық қауіпсіздік қызметінің (ФСБ) аймақтық басқармасы орналасқан. Украин мониторинг арналарының болжамынша, дронның бастапқы нысанасы осы ғимарат болған, бірақ электрондық соғыс құралдарының әсерінен бағытынан ауытқыған болуы мүмкін.
