Дзюдошылар олимпиада ойындарынан елге оралды

Әуежайда дзюдошыларды туыстары мен достары ғана емес, жанкүйерлер мен журналистер де күтіп алды. Жанкүйерлер Сметов пен Қырғызбаевты плакаттармен және сыйлықтармен тосып алды.

Екі олимпиадашыға да жаңа жол талғамайтын көліктердің кілттері табыс етілді.

Айта кетейік, жекелей сында 60 келі салмақ дәрежесінде сынға түскен спортшы Елдос Сметов Қазақстанға Париж Олимпиадасының алғашқы алтынын сыйлады. 

Ал, 66 келі салмақта өнер көрсеткен спортшымыз Ғұсман Қырғызбаев үздік үштікті түйіндеді.