Экс-дипломат Сәкен Мамашқа қатысты тергеу аяқталды

Аталған іс Астана қаласының Есіл аудандық полиция басқармасы тарапынан ҚР ҚК 110-бабы (қинау) бойынша тергелген.

Бұған дейін, 2025 жылдың 18 сәуірінде іс айыптау актісімен бірге Астана қаласының прокуратурасына жіберілген болатын. Алайда 27 наурызда қорғау тарапының сұранысына байланысты іс қосымша тергеу жүргізу үшін полицияға қайтарылған еді.

Бұл істің қоғамда резонанс тудырғаны белгілі. 2024 жылдың мамыр айында Біріккен Араб Әмірліктерінде Қазақстанның дипломаты болып жұмыс істеген Сәкен Мамаштың әйелі Карина Мамаш видеоүндеу жариялаған. Онда ол он жыл бойы күйеуінің зорлық-зомбылығына ұшырағанын айтып, мемлекеттен көмек сұраған. Осыдан кейін Сәкен Мамаш елге шұғыл түрде қайтарылып, 2025 жылдың 4 сәуірінде қамауға алынған.

Іс ҚР Қылмыстық кодексінің 110-бабы — «Қинау» бабы бойынша тергелді. Тергеу жұмыстарын елордадағы Есіл аудандық полиция басқармасы жүргізді.

Аталған іс қоғамда қызу талқыланды. Әйелдер құқығын қорғаумен айналысатын ұйымдар Карина Мамаштың үндеуін қолдап, тергеудің әділ әрі ашық өтуін талап етті. Кейбір қоғам белсенділері бұл істі тұрмыстық зорлық-зомбылықпен күрестегі маңызды қадам деп бағалады.

Қазір тергеу аяқталып, барлық материалдар прокуратура қарауына жіберілді. Қадағалаушы орган енді істің заңдылығын тексеріп, оның сотқа жіберілуі немесе қосымша тергеу амалдарының қажеті бар-жоғын шешуі тиіс.