Елена Рыбакина Australian Open финалында әлемнің бірінші ракеткасын жеңіп, чемпион атанды

Ол Australian Open финалында әлемнің бірінші ракеткасы, Беларусь өкілі Арина Соболенконы ұтты.

Матчтың алғашқы сетінде әлемнің 5-ракеткасы саналатын қазақстандық теннисші брейк жасап, қарсыласына мүмкіндік бермеді. Нәтижесінде бірінші партия 6:4 есебімен Рыбакинаның пайдасына шешілді.

Екінші сетте ойын тартысты өтті. Партия соңына дейін есеп тең болып келгенімен, 5:4 кезінде Соболенко сет есебін теңестірді — 4:6.

Шешуші үшінші сетте беларусь теннисшісі ерте брейк жасап, 3:0 есебімен алға шықты. Алайда Елена Рыбакина қатарынан бес геймді жеңіп, есепті өз пайдасына бұрып, партияны сенімді түрде аяқтады.