«Енді бәрі Зеленскийге байланысты» – Трамп Аляска саммитінен кейін мәлімдеме жасады

Трамптың айтуынша, тараптар көптеген мәселелер бойынша ортақ ұстанымға келген, бірақ әлі де «бір-екі аса маңызды мәселе» қаралуы тиіс.

«Біз көптеген мәселелер бойынша келісімге келдік. Олардың бәрі емес, бірақ бір-екі өте маңызды мәселе қалды. Дегенмен, менің ойымша, оларды да шешуге болады», – деді ол.

АҚШ президенті бұл қандай мәселелер екенін ашып айтпады. Бірақ ол: «Енді бәрі Украина президенті Владимир Зеленскийге байланысты» деп атап өтті.

Элмендорф–Ричардсон әскери базасында өткен саммиттен кейінгі баспасөз мәслихатында Трамп кездесу барысында бірқатар келісімдер жасалғанын, алайда жалпы бейбіт келісімге қол жеткізілмегенін растады.

Ресей президенті Владимир Путин де келіссөздерді оң бағалап, Украинаның қақтығысты мүмкіндігінше тезірек аяқтауына мүдделі екенін жеткізді.

Саммитке екі елдің жоғары лауазымды тұлғалары – Ресей тарапынан сыртқы істер министрі Сергей Лавров пен президент көмекшісі Юрий Ушаков, ал АҚШ тарапынан мемлекеттік хатшы Марко Рубио және арнайы өкіл Стив Уиткофф қатысты.