Жазылу
ЕО Ресей шекаралары бойына дрондардан «қорған қабырғасын» тұрғызады
Украина Президенті Әкімшілігінің бастығы Андрей Ермак келесі аптада Еуропалық Одақта ресейлік шабуылдардан қорғану үшін шығыс шекара бойында дрондардан тұратын «қабырға» тұрғызу туралы келіссөздер өтетінін хабарлады. Ол жобаға Украина да қосылуы тиіс екенін атап өтті.
Ермак өз телеграм-каналында: «Екінші дүниежүзілік соғыс пен атом соғысы уақытынан бері соғыс жүргізу принциптері өзгерді, ал соңғы жылдары дрондар маңызды рөл атқарып жатыр. Сондықтан әскерде өзгерістер енгізіп, соғыс үстіндегі жасанды интеллектке — соққы беретін де, әуе қорғанысын да басқаруға қабілетті "БПЛА-ларға" – ден қою қажет», - деп жазды.
Еурокомиссар — қорғаныс мәселелері бойынша Андрюс Кубилюс те осы ойды жариялаған: ол кейбір ЕО елдері бұрыннан дрондарға қарсы қорғаныс желісін талқылап келгенін, ал Польшаға дрондар енген соң бұл жобаны тезірек іске асыру қажеттігі ұлғайғанын айтты. Кубилюс жобаны жақындап келе жатқан дрондарды табатын және бейтараптандыратын құрылғылар, қару жүйелері мен бейтараптау құралдарының комбинациясы ретінде елестетеді.
Кубилюс әзірге мұндай жүйенің құны мен құру мерзімін нақтылай алмағанымен, кей сарапшылар мұны бір жылдың ішінде жасауға болатынын болжайды. Ермак пен Кубилюстің айтуынша, Украина өзіңнің дрондарға қарсы тәжірибесі мен инженерлік мүмкіндіктерімен осы бастамаға қосылуға шақырылады.
Неліктен бұл маңызды?
Осы апталарда Польша аумағына ресейлік дрондар енген оқиға Еуропадағы әуе және шекара қауіпсіздігінің әлсіз тұстарын көрсетті. Сол себепті ЕО-да шығыс шекараларын дрондардан қорғауға бағытталған бірлескен, интеграцияланған шешімдерді құру қажеттілігі артуда. Кубилюстың айтуынша, мұндай қорғаныс тек құралдарды сатып алудан гөрі — құырылғылар, әуе қорғанысы және электрондық күрес жүйелерінің тиімді ұйымдастыруды талап етеді.
