ЕО Сирияға салынған санкцияларды тоқтатты: Қайта қалпына келтіруге жол ашыла ма?

Ол Еуроодақтың Сирияға салынған экономикалық санкцияларды ішінара тоқтату туралы шешім қабылдағанын хабарлады. Бұл қадам елдің қайта қалпына келуіне және тұрақтылығына қолдау көрсету мақсатында жасалған.

Кая Каллас атап өткендей, бұл шешім Сирия халқының өмір сүру деңгейін жақсартуға және елдің экономикалық жағдайын тұрақтандыруға бағытталған. Алайда адам құқықтарын бұзғандар мен бұрынғы Башар әл-Асад режимімен байланысы бар тұлғаларға қатысты санкциялар сақталады немесе кеңейтіледі. Бұл шаралар Сирияның саяси және әлеуметтік тұрақтылығын қамтамасыз ету үшін маңызды болып табылады.

«Сирияға келсек, мен бүгін экономикалық санкцияларды алып тастауға келісеміз деп үміттенемін», – деді Каллас.

Бұл мәлімдеме Еурокомиссияның аудиовизуалды қызметі арқылы тікелей эфирде тарады.

ЕО-ның бұл ұстанымы АҚШ-тың Сирияға қатысты шешімімен сабақтас. 13 мамыр күні АҚШ президенті Дональд Трамп Сирияға қарсы санкцияларды жоюға ниетті екенін мәлімдеді. Ол бұл шешімге Сауд Арабиясының тақ мұрагері Мұхаммед бен Салман және Түркия президенті Режеп Тайып Ердоғанмен өткен келіссөздерден кейін келгенін атап өтті.

«Сирияға мүмкіндік беруіміз керек», – деді Трамп.

Калластың айтуынша, Сирия мәселесінен кейін ЕО министрлері Газа секторындағы жағдайды талқылауға кіріседі. Бұл тақырып «ауыр әрі күрделі» пікірталас болмақ.

Халықаралық сарапшылар ЕО мен АҚШ-тың бұл шешімін аймақтық геосаяси өзгерістермен байланыстырады. Түркияның Сириядағы ықпалы артып келе жатқан тұста, батыс державалары елді халықаралық экономикалық жүйеге қайтару жолын қарастыруда.