Ердоған Путинмен Сириядағы жағдайды талқылады

Түркия президенті Режеп Тайып Ердоған Владимир Путинмен телефон арқылы сөйлескен кезде Сириядағы қазіргі жағдайды талқылады.  Түркия мемлекеті басшысының коммуникациялар бөлімінен хабарланғандай, Анкара Сирияның аумақтық тұтастығын қолдай отырып, бұл елде «әділ және ұзақ мерзімді реттеуге» ұмтылады деп мәлімдеді.

Ол Дамаск билігін қақтығысты саяси реттеуге қатысуға шақырып, бейбіт тұрғындарға зиян келтірмеудің маңыздылығын атап өтті. Түркия президенті өз елінің «Сириядағы тыныштықты қалпына келтіру үшін қолдан келгеннің бәрін жасап жатыр» деп сендірді.

Кремльдің баспасөз қызметінің хабарлауынша, түрік тарапының бастамасымен өткен әңгіме барысында олар «Сириядағы жағдайды қалыпқа келтіруде Ресей, Түркия және Иранның одағының маңыздылығы» туралы айтты. Путин Сирия билігінің «бүкіл елде тұрақтылық пен конституциялық тәртіпті қалпына келтіруде» күш-жігерін қолдау үшін Анкараның аймақтағы бар мүмкіндіктерін пайдалану қажеттігін мәлімдеді.

Сириямен шекаралас Түркия Сирия президенті Башар Асадқа қарсы тұрған саяси және қарулы оппозицияны қолдайды. Сириядағы үкімет әскерлеріне қарсы соғысқа қатысатын негізгі күштер – радикалды сунниттік «Хаят Тахрир аш-Шам» тобының түрікшіл исламшылары және Сирия ұлттық армиясының (СҰҚ) Түркия қолдайтын бөлімшелері.

Бұл ретте Дамаскідегі биліктің негізгі одақтастары Ресей мен Иран болып табылады.