Жазылу
Ерлан Өтегенов Бас прокурордың орынбасары болып тағайындалды
Мемлекет басшысының өкімімен Өтегенов Ерлан Рахимжанұлы Қазақстан Республикасының Бас прокурорының орынбасары қызметіне тағайындалды. Бұл туралы Ақорда хабарлады.
Ерлан Өтегенов прокуратура органдарында 1997 жылдан бері еңбек етіп келеді. Ол Алматы, Оңтүстік Қазақстан, Ақмола облыстары мен Алматы қаласының прокуратураларында қызмет атқарған, соның ішінде басшылық лауазымдарда болған.
Әр жылдары Алматы қаласының табиғатты қорғау прокурорының орынбасары, Алматы облысы Қарасай ауданының прокуроры, Ақмола облысындағы Целиноград және Егіндікөл аудандарының, сондай-ақ Алматы облысы Талғар ауданының прокуроры қызметтерін атқарды.
Сонымен қатар Алматы қаласы бойынша Құқықтық статистика және арнайы есепке алу комитеті басқармасының басшысы болған.
Жаңа қызметінде Ерлан Өтегенов құқық қорғау жүйесіндегі жинақтаған мол тәжірибесін ел мүддесіне бағыттайды деп күтілуде.
