Жазылу
Еуроодақ Киевке қосымша 30 миллиард еуро бөлуді жоспарлап отыр
2025 жылы Украинаға тағы да 30 миллиард еуро қаржылай көмек бөлу жоспарланып жатыр,-деп мәлімдеді Еуропалық кеңестің президенті Антонио Коста Брюссельде Еуроодақ саммитінен кейін.
Еуроодақ 2025 жылы Украинаға қосымша 30 миллиард еуро көмек көрсететінін жариялады. Бұл туралы Брюссельде өткен ЕО саммитінен кейін Еуропалық кеңестің жаңа президенті Антонио Коста мәлімдеді,- деп хабарлайды Reuters. Саммитке Украина президенті Владимир Зеленский де қатысты.
Екі күн бұрын Reuters ақпарат көздеріне сілтеме жасай отырып, бұл сома Ресейдің тыйым салынған активтерінен түскен пайда ретінде алынған шамамен 18 миллиард еуроны қамтитынын және 12,5 миллиард еуроға жуық Еуропалық бейбітшілік қорынан (EPF) қосымша бөлінетінін хабарлады. Жаңа 30 миллиард еуро Еуроодақ Ресей басып алғаннан бері Киевке берген 130 миллиард еуроға қосымша бөлінбек.
