«Эйр Астана» Қытайдан жанармай жеткізу туралы меморандумға қол қойды

Қытайлық PetroChina International мұнай-газ компаниясы мен «Эйр Астана» стратегиялық серіктестік туралы меморандумға қол қойды.

«Тараптар авиакеросинді жеткізу бойынша ынтымақтасуға, сондай-ақ инфрақұрылымды құру және Jet A-1 халықаралық авиациялық отын стандартына көшу бойынша жұмыс істеуге ниетті.Қазақстанда отынның бұл түрін өндірудің болмауына байланысты тараптар Сондай-ақ Қытайдың мұнай өңдеу зауыттарынан Jet A-1 және экологиялық таза авиациялық отынды (SAF) тікелей импорттау мүмкіндігі талқыланды», - делінген хабарламада.

Әуе компаниясы атап өткендей, Jet A-1 артықшылығына төмен өрт қаупі және пайдаланылған газдар шығарындыларының атмосфераға аз әсер етуі жатады. Сонымен қатар мұндай отын ұшақ қозғалтқыштарын аз зақымдайды, бұл күрделі жөндеу циклін арттырады.
Бұған дейін Көлік министрі Марат Қарабаев әуе кеңістігін пайдаланудың артуы аясында Қазақстанда авиациялық жанармай тапшылығы сезіліп отырғанын мәлімдеген болатын. Елімізде небәрі үш мұнай өңдеу зауыты бар, ал ұшақтарға қажетті керосиннің бір бөлігі Ресейден әкелінеді.

Jet A-1 - IATA (Халықаралық әуе көлігі қауымдастығы) стандарттарына сәйкес келетін отын түрі. Авиациялық отынның басты артықшылығы төмен өрт қаупі мен атмосфераға шығатын газдардың қаупінің аздығы болмақ.