Францияның Ұлттық кітапханасының мұрағаттарынан қазақ тарихына қатысты құнды қолжазбалар табылды

Алғашқы мәліметтерге сәйкес, қолжазбалар XIX–XX ғасырларға тиесілі болуы мүмкін. Онда қазақ даласының саяси өмірі, хандық басқару жүйесі, сол дәуірдің көрнекті тұлғалары мен қазақ қоғамының әлеуметтік-мәдени жағдайы туралы тың деректер жазылған.

Зерттеушілердің айтуынша, құжаттар қазақ хандығының сыртқы саясаттағы бағыттарын, Ресей мен Қытай сияқты ірі империялармен қарым-қатынасын сипаттайды. Сонымен қатар, қазақ руларының орналасуы, дәстүрлі билік құрылымы және ел ішіндегі тарихи оқиғалар жайлы да мәліметтер қамтылған.

Қазіргі таңда бұл қолжазбаларды француз мұрағатшылары мен қазақстандық ғалымдар бірлесіп зерттеп жатыр. Мамандар бұл құжаттарды ғылыми айналымға енгізіп, болашақта Қазақстан мен Франция арасындағы мәдени-гуманитарлық байланыстарды одан әрі нығайтуға септігін тигізеді деп отыр.

Қазақстандық тарихшылар бұл табылған дүниелерді халқымыздың жадына қосылған аса бағалы мұра деп бағалап отыр. Парижде сақталған бұл тарихи жазбалар қазақ елінің әлемдік тарихтағы орнын айқындай түсуге зор үлес қосуы мүмкін.