Газа секторында қаза тапқандар саны 8 мыңнан асты

Израильдің Газаға жасаған соққыларынан қаза тапқандар саны 8 005 адамға жетіп, тағы 20 242 адам жараланды, деп хабарлайды Zhasalash.kz Anadolu-ға сілтеме жасап.

Газа денсаулық сақтау министрлігінің ресми өкілі Ашраф әл-Кудра мәлімдеуінше, соңғы тәулікте 302 тұрғыны израильдік шабуылдардың құрбаны болды.

«Қаза тапқандар арасында 3342 бала мен 2062 әйел бар», - деді ДСМ өкілі.

Еске салайық, Палестиналық ХАМАС содырлары 7 қазанда Израильге шабуыл жасады. Олар бірнеше шекаралық елді мекендерді басып алып, жүздеген адамды өлтіріп, тағы жүздеген адамды кепілге алды. Израиль қорғаныс күштері содырларды өз аумағынан қуып шығып, Газа секторына күшті соққы беріп, оны қоршауға алды. Палестиналықтар мен Израиль арасындағы ондаған жылдар бойы жалғасып келе жатқан қақтығыс бұл жолы ең қанды қырғынға айналды.