Газада қаза тапқандар саны 45 553-ке жетті

2023 жылдың 7 қазанынан бері қоршауда қалған Газа секторында қаза тапқандар саны 45 553-ке жетті.

Эксклавты құрлықтан, теңізден және әуеден атқылау 453-ші күннен бері тоқтаған жоқ.

Израиль армиясының 2023 жылдың 7 қазанынан бері жасаған шабуылдары нәтижесінде жалпы 108 379 адам жарақат алды.

Мыңдаған өлгендердің денесі қираған ғимараттардың астында қалды, бірақ Израиль шектеулеріне байланысты оларға азаматтық қорғаныс топтары жете алмайды.

Айта кетейік, Израиль ХАМАС тобының ішкі қауіпсіздік аппаратының басшысы Хусам Шахванды өлтіргенін мәлімдеген болатын.

Израиль әскерилері Шахванды өлтіру кезінде бейбіт тұрғындарға төнетін қауіптерді барынша азайту шараларын қолданғанын, соның ішінде қосымша барлау, аумақты әуеден бақылау және дәл басқарылатын оқты қолданғанын айтты.

The Times of Israel басылымының жазуынша, Шахван ХАМАС полициясы басшысының орынбасары болған. Кей мәліметтерге қарағанда, Шахванмен бірге полиция басшысы Махмуд Салах және тағы тоғыз адам, соның ішінде әйелдер мен балалар да қаза тапқан.