Генерал-полковник Сәт Тоқпақбаевқа «Халық қаһарманы» атағы берілді

Президент Жарлығымен Қазақстан Республикасына сіңірген аса үздік еңбегі үшін мемлекет қайраткері Сәт Бесімбайұлы Тоқпақбаевқа «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені тапсырылды, делінген хабарламада.

Сәт Тоқпақбаев 1939 жылы 17 қыркүйекте Алматы облысы Іле ауданының ҚазЦИК ауылында дүниеге келген. 1963 жылы С.М. Киров атындағы Қазақ мемлекеттік университетінің заң факультетін заңгер мамандығы бойынша, КСРО МҚК №302 Минск мектебін, 1971 жылы КСРО СІМ Жоғары дипломатиялық мектебін тәмамдаған. Генерал-полковник.

Сәт Бесімбайұлының шешімімен Ұлттық қауіпсіздік комитетінің академиясы құрылған. Өз өмірі мен Қазақстанның тәуелсіздік алған жылдарын баяндайтын «Жаным садаға» атты ғұмырбаяндық кітабының авторы.