Германияның 13 әуежайында ереуіл басталды

10 наурызда Германияның ірі әуежайларында 24 сағаттық ескерту ереуілі басталды. Ver.di неміс кәсіподақ ұйымы әуежай операторларын, жерүсті қызметкерлерін және авиациялық қауіпсіздік қызметкерлерін наразылық шарасына шығуға шақырды.

Ереуіл Берлин-Бранденбург, Штутгарт, Кельн/Бонн, Дюссельдорф, Дортмунд, Мюнхен, Гамбург, Майндағы Франкфурт, Ганновер, Бремен және Лейпциг/Галле әуежайларына әсер етеді. Виз және Карлсруэ/Баден-Баден әуежайларында жолаушыларды, персоналды, жүктерді тексеру аймақтарында, сондай-ақ қызмет көрсету бөлімдерінде жұмыс істейтін авиациялық қауіпсіздік қызметкерлері ғана ереуілге шақырылды.

ADV неміс әуежай қауымдастығының бағалауы бойынша, Ver.di жариялаған ереуіл нәтижесінде 3400-ден астам рейс тоқтатылады, шамамен 510 000 жолаушы зардап шегеді. Кәсіподақ жалақыны 8%, бірақ айына 350 еуродан кем емес өсіруді талап етеді, сонымен қатар ауыр жұмыс үшін бонустарды және қызметкерлерге қосымша демалыс күндерін беруді талап етеді. Ver.di мәлімдемесінде ереуіл «шамамен 25 000 қызметкердің жұмыс жағдайын жақсарту» үшін қажет екенін айтты.