Ғұсман Қырғызбаевқа «капитан» әскери атағы мерзімінен бұрын берілді

Аға лейтенант Ғұсман Қырғызбаев – Қорғаныс министрлігі Орталық спорт клубының әскери қызметшісі. Отан алдындағы ерекше еңбегі, дене тәрбиесі мен спортты дамытуға қосқан зор үлесі, жоғары жетістіктері және кәсібилігі үшін Ғұсманға және оның егіз сыңары, Орталық спорт клубы дзюдодан команданың бөлімше бастығы - аға жаттықтырушысы Ғұмар Қырғызбаевқа Қазақстан Республикасы Қорғаныс министрінің бұйрығымен кезекті «капитан» әскери атағы мерзімінен бұрын беріледі, – делінген Қорғаныс министрлігінің хабарламасында. 

Бүгін Ғұсман Қырғызбаевты Алматы әуежайында Алматы гарнизонының әскери қызметшілері және әріптестері қарсы алды. 

Айта кетейік, қазақстандық дзюдошы Ғұсман Қырғызбаев олимпиадада Сербиядан келген спортшы Страхинья Бунчичті жеңіп, үшінші орын үшін күресте қола медаль жеңіп алды.