Гвинея-Биссауда әскери төңкеріс нәтижесінде президент қызметінен кетті

 Сондай-ақ құрлықтағы, теңіздегі және әуе кеңістігіндегі мемлекеттік шекаралар толық жабылды. Бұл туралы әскери топтың мәлімдемесі TGB мемлекеттік телеарнасының Facebook парақшасында жарияланды.

Әскерилер өз әрекетін «сайлау нәтижелерін манипуляциялау және елді тұрақсыздандыру жоспары анықталғаннан кейін қабылданған мәжбүрлі шара» деп түсіндірді. Мәлімдемеде бұл жоспарға бірқатар саясаткерлер, есірткі нарығының өкілдері және шетелдік тұлғалар қатысқаны айтылған.

Астана Биссауда президент сарайының маңында оқ атылғаны хабарланды. Президент Эмбало Jeune Afrique басылымына берген сұхбатында өзін, ішкі істер министрін және Қарулы күштер бас штабының жетекшісін президенттік сарайда ешбір күш қолданусыз тұтқындағанын, бірақ жарақат алмағанын жеткізген.

Сайлау дауы төңкеріске түрткі болды

23 қараша күні елде президенттік және парламенттік сайлау өткен еді. Бірақ ресми нәтижелер 27 қарашаға дейін жарияланбауы тиіс болған. Алайда дауыс санау аяқталмай жатып қазіргі президент Эмбало да, оның негізгі қарсыласы Фернанду Диаш де Кошта да өздерін жеңімпаз деп жариялаған.

Бұл жағдай саяси шиеленісті күрт ушықтырып, әскери төңкеріс қаупін күшейтті.

Германия ескерту жасады

Германия Сыртқы істер министрлігі Гвинея-Биссаудағы жағдайды «өте тұрақсыз» деп бағалап, елде жүрген азаматтарын шеру өтетін орындардан, әсіресе президент сарайының маңынан аулақ жүруге шақырды.

Умару Сисоку Эмбало 2020 жылдан бері президент қызметін атқарып келген. 2023 жылдың соңында ол парламентті таратып жіберген. Оппозиция мен құқық қорғаушылар оны қарсыластарды қудалау, журналистерге қысым жасау, адам құқықтарын шектеу сияқты әрекеттері үшін жиі сынға алған.

Гвинея-Биссау  әлемдегі ең кедей әрі саяси тұрақсыз мемлекеттердің қатарында саналады. Соңғы жылдары мұнда бірнеше рет әскери бүлік әрекеттері тіркелген.