Хабиб Нұрмағамедов UFC-ден не үшін кеткенін айтты

Жекпе-жекте жеңілістің ащы дәмін татпаған Хабиб Нұрмағамедовтың спорттан кетуінің басты себебін бапкері баяндады.

”Хабиб – сөзге берік, ешқашан уәдесінен айнымайтын адам. Ол мансабын аяқтау жайлы шешім шығарғаннан кейін, еш ойланбастан спортты қойды. Енді ол командаластарының бұрышында да болмайды. Тек олардың жаттығу барысын бақылып, дұрыс бағыт-бағдар беріп жүр. Ол уақытының басым бөлігін отбасымен бірге өткізгісі келеді. Балаларының өзінен алшақта өскенін қаламағандықтан да осындай қадамға барды. Хабибты енді ешкім, ешқашан шаршы алаңға оралта алмайды. 100 мың доллар тұрмақ, одан да көп қомақты қаржы оны райынан қайтармайды” – деді спортшының бапкері Хавьер Мендес.